Mae oriau o ddeunydd darllen difyr yn eich aros yn y rhifyn diweddaraf. Yn ogystal â sylw i garreg filltir bwysig yng ngyrfa operatig ein ‘dyn clawr’, dyna erthygl Bethan Kilfoil am ‘Fudiad Dirwest Iwerddon’ (a na, nid jôc Wyddelig yw’r pennawd), golwg amgen Beca Brown ar yr hwdi, a myfyrdod Alun Ffred Jones ar y cwestiwn ‘Ble mae’n dramodwyr?’ Darllenwch am artist o Gymro yn Awstralia ac am waith Gethin Wyn Jones, cynorthwyydd i Damien Hirst wrth ei waith bob dydd ond arlunydd yn ei hawl ei hun hefyd sydd ar fin cael ei arddangosfa lawn gyntaf. Mae cyfarwyddwr cyffredinol Amgueddfa Cymru yn ymateb i gyhuddiad Gareth Miles fod y sefydliad yn un ‘Seisnig a Phrydeinllyd’. Ac yn nhymor yr arholiadau rhowch gynnig ar bapur wedi’i osod gan ein colofnydd chwaraeon, Derec Llwyd Morgan. Hyn a llawer mwy. Bachwch gopi.
David Anderson
Yn ein rhifyn diwethaf honnodd Gareth Miles mai “Seisnig a Phrydeinllyd iawn” yw rhai o brif sefydliadau cenedlaethol Cymru. Yma mae Cyfarwyddwr Cyffredinol Amgueddfa Cymru yn ymateb i’r feirniadaeth honno o safbwynt y sefydliad y mae ef yn ei arwain.